Metro Manila, sinilyado ng PNP (Pakawala Ng Palasyo)

Tulad ng inaasahan, sa layuning imarginalized, isabotahe, takutin at i-harrashed ang communal action, ang INTERFAITH RALLY sa Makati kagabi, palabasing "KAKAUNTI, walang partisipasyon ang mamamayan, wala ng interest ang mga kabataang estudyante sa pulitika, sawa na ang tao sa rally at dito lang nagaganap sa Makati, sa Metro Manila ang communal action," kahit paano ay nagtagumpay ang PNP, ang Pakawala Ng Palasyo, hindi nga umabot ng isang milyon, may 75,000 lamang ang dumalo.

Walang pumik-up, walang naniwala na may isasagawa raw na pambobomba ang Jemaah Islamiya (JI) sa Kamaynilaan at sa katunayan daw, ayon kay Gen Razon ay "nahuli na ang isang dayuhan mag-iiexecute raw ng pagpapasabog." Una rito at hindi na bago, naging alibi rin ang MILF na pinabulanaan naman ng huli at sa katunayan dumalaw pa si US Ambasador Kenney sa pinagkukutaan nito sa Mindanao. Sumunod na alibi ang anggulong CPP-NPA, sa mga Kumunista na magsasagawa raw ng ala-PLAZA MIRANDA BOMBING sa Makati. Wala ring tangang Pinoy ang naniwala. Ang anggulong MAGDALO ay hindi rin bumenta sa masa.

"Matagal ng modus operandi ng PNP ang humalik sa tumbong ni Ate Glo. Sa larangan ng dis-information, whitewash-cover-up, pagkitil sa karapatan Pantao ng mamamayan, sa pag-aasembleya at pagkilos (no permit no rally) hanggang sa pananabotahe ng communal action, istilong BULUK at GARAPAL."

Ang PNP (AFP) blockade sa NLEX at SLEX at kahit mismo sa loob ng Kamaynilaan ay kahit paano ay nakatulong kung bakit hindi umabot sa 1,000,000 ang mobilisasyon ng INTERFATH sa RALLY sa MAKATI. Ang malaking bilang ng mga mamamayan ng Southern Tagalog at Central Luzon, partikular ang hanay ng estudyate, ang nabalahuba, pinigil, trinatong mga terorista, mga drug lord at weteng lord, todo kapkap at binalagoong sa entrada ng NLEX at SLEX.
Kung ako kay General Razon ng PNP, sa tindi ng panggagago sa sarili at pagmumukhang tanga sa iisang pamilyang gustong proteksyunan nito, magRERESIGN na ako sa pwesto.

Tanging sa pagreresign ni Razon at pagpanig sa hanay ng "Katotohanan at Pagbabago" ang magpapanumbalik ng dangal, respeto, credibility, kabaniyahan at kadakilaan ng sarili, ng kanyang pamilya, maging ang pagtitiwala ng mamamayang sa kabuuang Kapulisan.

Doy Cinco / IPD
March 1, 2008

Related Story:
"Razon admits order to stop protesters at checkpoints"
http://www.abs-cbnnews.com/storypage.aspx?StoryId=110874
"Binay to sue Arroyo execs responsible for blocking protestors" http://www.gmanews.tv/story/82925/Binay-to-sue-Arroyo-execs-responsible-for-blocking-protestors

Freedom is when the people can speak, democracy is when the government listens.
Alastair Farrugia