ASG fund raising campaign activity

Doy Cinco / March 20, 2009

Mukhang wala ng katapusan ang kidnapping at terorismo ng Abu Sayyaf Group (ASG) o “lost command” sa Mindanao. Mula sa Lamitan Siege, Sipadan Hostage, kidnapping kila Arlene de le Cruz at Cez Drilon, Fr Bossi, ang asasinasyon kay Cong Akbar,  Rizal Day bombing ng LRT,  Supper Ferry at  Batasang Complex hanggang sa low profile kidnapping ng mga teachers, ordinaryong basurero at mamamayan, bata, matanda at kababaihan. Ngayon, patuloy ang fund raising campaign ng ASG at nagkataong high profile staff ng ICRC, isang non-alligned at respetadong institusyon sa mundo ang nakasalang. (Lawaran: 3 ICRC hostages, arlyndelacruz. weebly.com)

Sa kabila ng sinasabing may ilang batalyon tropang militar (di kukulangin na 2,000) ang sa ngayo'y nakadeployed sa Basilan at Sulo,  hindi pa kasali ang ilang libong para-military-Cafgu at Intelligence Unit mula sa iba’t-bang sangay ng AFP ang sa ngayo’y walang dudang nagbibigay assistance sa combat operation, at labas pa rito ang clandistine o sikretong military operation ng mga tropang Amerikano na alam naman ng lahat ay nasa likud ng AFP, nanatiling malakas at buhay ang ASG. At kung tama ang datos ng AFP, "mga 60-80 lamang daw ang bilang ng ASG sa lugar." (Larawan sa ibaba; Photo shows Abu Sayyaf terrorist leader Albader Parad in this video grab. (Reuters)

Ang sabi ng isa kong kaibigang muslim na aktibista, “fund raising lang daw at malapit na ang 2010 election.” Dagdag pa niya, ang isa pang kontrobersya, si Commander Parad, ilang kumander ng ASG at mga kilalang namatay sa “engkwentro” sa pagitan ng ASG at military ay "mga dating military asset, inalagaan upang pagkakitaan, gamiting strategically laban sa MILF at MNLF,” sirain ang lehitimong adbokasiyang “genuine awtonomy at self determination ng mamamayang Moro.” May ilan naman ang nagsasabing “diversionary tactics,” guluhin ang mamamayan sa tunay na isyung bumabagabag sa country.

Ang isang malaking tanong ay kung sino ang supplier ng armas (M16, M14, mga toneladang bala, mortar) ng bandidong ASG? Para sa mga tagaMindanao, ang kanilang duda, mga "PAKAWALA ng ilang matataas na opisyal ng AFP ang ABU SAYYAF GROUP sa Mindanao, lumaki ang sungay at kalauna'y ‘di na nito makontrol."

Mula pa nuong 2002, ilang SONA (state of the nation address) na ni GMA, hindi mabilang na pagmamayabang na sinasabing “mahina na, on the run na ang ASG sa Mindanao. Kaya lang, ang nagdudumilat na katotohanang may “mahigit kumulang na 400 pang mga bandidong ASG sa Sulo Archipelago at Basilan ang kumikikig at namamayagpag.”

Kung maisasama sa collateral damage ang 3 ICRC staff at may delikadesa sila  AFP Secretary Gilbert Teodoro,  DILG Sec Puno at Security Adviser Norberto Gonzales, magbitiw na sila sa tungkulin sapagkat sa ilang taon sa pwesto, parang inutil at wala sa kanila ang command at decision making ng buong mga kagawaran. Para kay Pres Barack Obama at US State Department, dahil nagsasayang lamang ng resources, panahon at incompetent ng mga generals sa larangan, bilang command responsibility, alisin na rin sa pwesto ang commander in chief, si President Gloria Macapagal Arroyo.