Electoral Violence nagsisimula na

Ito ang uri't sistema ng pulitika mayroon tayo. Hindi na bago at hindi na rin balita ang ganitong sitwasyong kakambal ng election sa 'Pinas ang patayan, dayaan at kaguluhan. Ang balita at headline ay kung magkakaroon ng katahimikan, malinis, walang patayan at kaguluhan ang election. Kung baga normal lamang at inaasahang ang ganito at dadami pa ang hahandusay, mauulila, iiyak at maghihinagpis at siyempre kikita ang negosyo ng punenarya. Ito ang kapalit na kapital na bahagi na ng pulitika (collateral damage) na nakasanayan ng mga pulitiko sa ating bansa.

Maliban sa magpapatuloy ang political killings sa hanay ng Kaliwa, inaasahang muling magkakaroon ng breakdown ng peace and order (inutil ang PNP at AFP) sa pagsapit ng Enero, 2007 hanggang sa post election period ang bansa. Ang nakakalungkot, baka may mga nasa likod o malalimang orchestration sa bahagi ng administrasyon ang mga nagaganap na patayan sa bansa. Ito'y upang bigyang katwiran ang "emergency rule o prelude sa pagdedeklara ng martial law" na mauwi sa "No-El senaryo o pagdiskarel ng May 2007 election, " istilong diktadurang Marcos. Kung baga, bukud sa muling bubuhayin ang Cha Cha, ang game plan ng palasyo na "pagkahaba-haba man ng prosisyun, sa No-El parin ang kauuwiang direksyon.

Ito sana ang unang prinayority at trinabaho ng ating Kongreso, na magkaroon ng electoral at political reform na siyang isa sa ugat ng krisis ng pulitika't elihitimong pangulo, hindi ang walang kabuhay-buhay na Charter Change. Kung sa bagay sinong tangang pulitiko na gagawa ng batas na ang mga sarili nila ang tatamaan at mabibiktima.

Bago ang pamamaslang kay Kongresman Luis Bersamin Jr., tinangka rin ang buhay ni Kong Dodot Jaworski at NOGRALES. At halos lahat ay nagsasabing pulitika ang nasa likod ng pagtatangka. Nakakalungkot isiping napapa-aga ang kaguluhan-patayan kahit malayo't hindi pa nagsisimula ang campaign period (45 days sa Lokal at District) sa May 2007 election.

Buhay o kamatyan ang pulitika sa bansa; divisive, violent, elitist, showbiz at pera-pera lamang. Ito ang mapait na estado't sistema ng ating pulitika, walang natatalo, nadadaya't napapatay lamang. Since ememorial pa ang ganitong pangitain sa electoral politics ng bansa, ibig sabihin kahit nuon pa, bago ang World War II hanggang sa panahon ni Quirino (ex Crisologo at Singson sa Ilocos) hanggang sa panahon ni Marcos, naging bahagi't normal na ang ang patayan na may kaugnayan sa pulitika.

Sa mga nagsusuri ng electoral politics at election realated violence, nagsisimula na ang dilhensya't pag-iipon ng campaign kitty (budget) na walang dudang panggagagalingan sa masasamang elemento't aktibidad nito; ang weteng, drug, pork barrel at pangungurakot, smuggling at pagnanakaw, nasa WAR FOOTING na ang mga pulitiko. Ibig sabihin, bukud sa bata-batalyong private armies at gun for hire, latag na ang apat na 'G' (guns, gold, goons at girls), nag-iipon at nag-iinbentaryo ng kani-kanilang ARMORY, mga armas at bala para sa May 2007 election.

Kung 'di mo kayang talunin sa balota, ang last resort, BALA, meaning 'hindi na paabutin sa campaign period ang katunggali, “daanin mo sa disqualification, dayaan at kung 'di uubra, takutin o patayin mo ang kalaban.”

The forms and incidence of electoral violence vary according to the different election phases:

TABLE 1: Violent incidents and deaths across election periods
	1988	1992	1995	1998
Pre-election period	23 incidents, 11 deaths	16 incidents, 3 deaths	37 incidents, 7 deaths	44 incidents, 7 deaths
Campaign period	268 incidents, 149 deaths	87 incidents, 73 deaths	127 incidents, 80 deaths	188 incidents, 53 deaths
Election day	91 incidents, 14 deaths	43 incidents, 11 deaths	59 incidents, 16 deaths	71 incidents, 9 deaths
Counting-Canvassing-Proclamation period	23 incidents, 14 deaths	11 incidents, 2 deaths	21 incidents, 5 deaths	19 incidents, 8 deaths

Patrick Patino & Djorina Velasco; Election Violence in the Philippines
The authors are Research Associates at the Democracy Watch Department of the Institute for Popular Democracy (IPD), Quezon City, Philippines.

Doy Cinco / IPD
Dec 17, 2006