Marami ang naniniwala na hahawakan sa leeg ng Pnoy administration ang susunod na Ombudsman. Ano man ang maging palusot na dadaan ito sa konsultasyon, sa proseso at sa JBC (Judicial and Bar Council), sa itinatakbo ng mga pangyayari at init ng pulitika, hahawakan ng Aquino administration ang Ombudsman at "walang naniniwalang tutuwid ang landas at magtatagumpay ang kampanya laban sa pangungurakot sa bansa."Ang campaign slogan na "kung walang corrupt, walang mahirap" ay isang propaganda lamang, pang-election at bangungot na maisasakatuparan ng kasalukuyang administrasyon.
Simple lamang ang diskurso ng mga tao sa komunidad, dahil napaka-estratehiko ng ahensya, “hindi makapapayag ang administrasyong nakaupo sa kapangyarihan na tupdin nito ang mandato't oryentasyon, maging isang malaya, may awtonomiya, walang kinikilingan at tapat sa sinumpaang labanan ang dekadang pangungurakot sa bansa." Hindi ito pipili ng isang ahas na maaring manuklaw sa palasyo o batong ipampupukpok sa sarili. Ang pagtatalaga ng mga bagong commissioner sa Comelec, planong pagpapaliban ng election at Officer in Charge (OIC) sa ARMM ang isang matibay na pruweba.
Kung babalikan ang mga nakaraan, may dalawang dekada na mula ng ito'y maitatag, naging inutil, palamuti at tau-tauhan ng sino mang nakaupo sa Malakanyang (Ramos, Estrada, GMA) ang Ombudsman; magmula kay Conrado Vasquez (‘88-95), Aniano Desierto (’95-2002), Simeon Marcelo (’02 – 05) at ang nagbitiw na si Ma Merciditas Gutierrez (2005 – 2011). (Larawan: retired Supreme Court Associate Justice Conchita Carpio-Morales as the next new Ombudsman)
Mas madaling paniwalaan ng isang libong beses (1000 x) na may agenda ang Pnoy administrasyon na hawakan ang Ombudsman, hindi lamang upang magsilbing proteksyon sa sarili, durugin at paluhurin ang kaaway sa pulitika, takutin ang mga pasaway, ipagmayabang na "mission accomplished" ito sa kampanyang anti-corruption sa nalalapit na SONA (state of the nation address) sa July taong kasalukuyan at tiyaking tuloy-tuloy na makokontrol ang pampulitikang kapangyarihan beyond 2016.
Ayon sa mga nagsusuri, ang basihan ang siyang makapagpapatunay; una, ang nagdudumilat na katotohanang weather-weather lamang (magkakapareho, nauulit lang at at hindi natututo) o isang predatory politics ang uri ng politika, meaning, buhay at kamatayan ang labanan. Sa kasabihan ng mga matatanda, "bantay salakay o galit ang magnanakaw sa kapwa magnanakaw.”
Pangalawa, dahil mahina ang ating mga institusyon, walang naaaninag na repormang pina-priyoridad ng kasalukuyang administration na "mag-eempower (strengthening the institutions) at mag-iinstitusyunalisa ng participation, accountability at transparency (public trust)," maliban sa mga papogi point at pagsasampa ng plunder case sa mga kaaway sa pulitika.
Para sa mga akademiko, ang deka-dekadang "sistemang padrino, palakasan (patron-client) at utang na loob" ang lumumpo sa institusyon, "ang salarin at pabrika ng katiwalian sa ating bansa. Siya ang nakapangyayari at nananaig sa pang-araw-araw na takbo ng buhay-burukrasya at labanang pulitikal ng mga naghaharing elite factions sa ating lipunan."
3 comments:
Sa totoo lang eh wala namang ipinagkaiba ang Pangulong Penoy kay Gloria Macapagal Arroyo. Pareho silang mga balut penoy: Mabantot!Walang laman kundi puro kabulukan at walang iniisip kundi mga pansarili lamang. Dito lang sa UP, ang matagal na naming hinihinging back COLA eh hanggang ngayon malabo pang aprubahan. Katamaran pride kasi ang nangyari sa panig ng DBM na nasa ilalim ng pamamahala ng Malakanyang. Ito'y malaking kapabayaan ng DBM noong panahan ni GMA at hanggang ngayon ay pinagdudusahan ng mga simpleng kawani ng gobyerno lalo na dito sa UP na ang sahod ay pang-kasambahay lamang ng isang Chinese household!
Tulungan mo naman kami Pres. Penoy!
Sana ang pipiliing Ombudsman ay magkapanahong siyasatin ang malaking injustice o kapabayaang ito na kagagawan ng DBM mismo!
Korek ka diyan, masyadong mabagal ang kilos ni Butch Abad ng DBM. "Wala pa sa kalahati ng pondo ng bansa ang nagagalaw o nagagastos." Ang tanong ng marami, ito ba'y good governance, mabusisi o may POBYA sa katiwalian nung nakaraang administrasyon. Sa ganitong sistema, pati ang maliliit na kawani ng gubyerno, apektado. Apektado rin ang mga Community-based Organization na nakikipagtuwang sa mga pangkaunlarang proyekto sa komunidad.
Nanatiling matatag ang pwersa ng katiwalian sa maraming ahensya ng gubyerno lalo na sa Regional at Provincial level; DA, DPWH, DOH, DEP ED, DSWD, DND, DENR, DOLE at iba. Mabawasan lang ng kalahati (50%) ang katiwalian, isang tagumpay na yon sa panig ng mamamayan.
Post a Comment