Monday, January 29, 2007

“Mahiya raw tayo kay Bush”

Gago! Mas tamang sabihing, "mahiya kayo sa mamamayang Pilipino, sa mamamayan ng mundo, hindi kay Bush. " Sino ba si Bush, ang siraulo't pangunahing imperialista, militarista ng mundo, ang promotor at kumakaladkad ng “anti-global war on terrorism," ang tunay na terorista, ang pangunahing kontra bida't ahente ng corporate financial elite ng mundo.

Ayon sa maraming nagsusuri, mahihirapan na ang Malakanyang na ilako ang "anti-terrorism bill," ni Bush sa Pilipinas at mundo. Sapagkat, wala sa timing, ngayon pa kung saan isolated na, tulad ni Ate Glo, napaka-unpopular ni Bush ngayon mismo sa mamamayang Amerikano't mundo, said na said na ang performance rating approval ni Bush at mababang-mababa ang moral, 'di lang ang sundalong Amerikano, pati ang mamamayan Amerikano na suportahan ang panloloob at gerang inilulunsad ni Bush sa Iraq at Gitnang Silangan.

Ngayon pa na kung saan, lumalakas at muling nabubuhay ang anti-war sentiments-movement hindi lang ng mamamayang Amerikano, maging sa buong mundo. Nuong nakaraang Sabado (Jan 27), may daang libong Amerikano, mga celebrities (Susan Sarandon, Jane Fonda, Jesse Jackson at iba pa), mga veteranong Anti-Vietnam street protesters (30 years ago), ang nagrally at nagDEMO sa Washington DC, at iba pang lunsod sa US, upang tutulan at iprotesta ang napipintong military escalation (pagpapadala ng additional 21,000 US troops) na pinaplano ni Bush sa Iraq.

Hiniling ng United for Peace (grupong sponsor at nanguna sa mga pagkilos sa US) na wakasan na, pauwiin na, iatras na ang tropang sundalong Amerikano na nanloloob sa Iraq. Mahigit kumulang na limang daang libong (500,000) kabataang estudyante, manggagawa, propesyunal at mga kintawan ng mga dating sundalo sa Iraq ang umattend sa pagkilos na isinagawa sa national Mall, malapit sa Capitol kung saan isinasagawa ang congressional session sa Washintong DC. Maliban sa gusto nitong ipaabot sa mundo ang ka nilang mensahe kontra sa gerang Iraq, mukhang sa Partidong Democrats naka-adress ang kanilang pagkilos.

Kung matatandaan, taong 2003, bisperas ng pananalakay at panloloob ng US sa Iraq, sabay- sabay at daan-daang milyong mamamayan (more than 100,000,000 international struggle) ng mundo ang lumabas sa lansangan upang iprotesta't tutulan ang militaristang patakarang US-Bush. Ito na ang pinakamalaking ANTI-WAR movement na napakilos (lahat ng continent may hapenning) sa kasaysayan ng mundo ng pakikibaka at nasaksihan ng halos lahat ng mamamayan ng mundo.

Sa Pilipinas, mukhang kontra AGOS, baligtad ang nangyayari, kung kapayapaan ang direksyon ng mundo, sa Pilipinas utak pulbura't digmaan. Habang nalalagay sa alanganin si Bush sa Amerika, dinodiyos, pinupuri, burikak na naglaladlad ng panty si Ate Glo kay Bush. Kamakailan lamang, “sa pamamagitan ng telepono, pinuri ni Bush si Ate Glo sa matagumpay na kampanyang pagdurug ng AFP-GMA administration sa Abu Sayaff Group (ASG).” Kaya lang, ang 'di alam ni Bush, perahan lamang ang labanang AFP-ASG sa Mindanao.

Ang Malakanyang at ilang taksil na ahente't galamay na Amboy na mga Pilipino na lamang ang bilib at naniniwala kay Bush. Lalo lamang lumilinaw na sandamakmak na mga burikak , kaprostituted ang gubyernong Pilipinas kay Bush. Kung ako kay Ate Glo, kung gusto niyang bumango't irespeto ng mamamayang Amerikano, dapat niyang itigil ang walang kalatu'y latuy na gerang inilulunsad ng AFP at sinusuportahan ni Bush sa Mindanao.

Sa text message na ipinagmalaki pa ni Presidential Adviser on Political Affairs Gabriel Claudio, sinabi nito na ang ginawang pagbati ni Bush ay dapat na magsilbing pang-engganyo sa mga Senador upang aksyunan ang nabibinbing panukalang batas na “anti-terorismo.” Ayon kay Claudio, "MAHIYA raw tayo at mga SENADOR kay BUSH". Ang panukalang batas ay magbibigay ngipin raw sa Armed Forces of the Philippines (AFP) upang maglunsad ng total war sa mga kapatid nating Moro sa Mindanao, kaya lang, political survival at hindi sa mga tunay na terorista ipuputok ni Ate Glo ang naturang batas, sa lahat ng kanyang mga kaaway sa pulitika.

Maraming civil society groups sa Mindanao ang nangangamba sa posibleng idudulot ng "total war" at anti-terrorism bill." Ang isyu sa Muslim Mindanao ay ang "karapatan ng mga kapatid nating Moro para sa SARILING PAGPAPASYA (self- determination), ang local autonomy, ang local good governance at pagpapalakas ng democratic institution," hindi GERA, hindi tropang US, hindi utak pulbura.

Kaya't tulad ng panawagan ng Anti-War movements sa US, PAUWIIN na rin ang mga tropang sundalo ng AFP at US (US Army) sa Mindanao. Sa totoo lang, sila ang tunay na nanggugulo, nananakot, nanteterorized at bumabansot sa kaunlaran ng Mindanao.


Kung bibigay, kung papayag ang Malakanyang sa pang-uuto ni Bush, hindi malayong hindi siya tanggihan ni Ate Glo, maliban sa political survival, limpak na ayudang tulong militar, dilhensyang matatanggap ng Malakanyang sa gubyernong US-Bush. Lalabas na magiging kaaway ng Malakanyang, maliban sa mga Pilipino, ang malakawak na mamamayan ng mundo at pwersang “anti-war movement sa Amerika.” Ayon sa mga survey ng CNN at BBC, mahigit na 60% ng mga Amerikano at mamamamayan ng mundo ang tutol sa gera't panloloob ng US sa Iraq at Middle East. Kung sa bagay, kambal tukong manloloko, manlilinlang, dorobo at war mongerers, pareho silang balak i-impeach ng sariling mamamayan.

Tignan din ang;
"
Gloria should not rejoice over Bush’s praises — solon"
http://www.tribune.net.ph/headlines/20070129hed4.html
"Pinoys join thousands in big D.C. anti-war demo"
http://www.abs-cbnnews.com/storypage.aspx?StoryId=65035

Doy Cinco / IPD
Jan 29, 2007

1 COMMENT
I look forward to the day when Bush gets tried for crimes of war & against humanity. History will set things right & reveal that at the core of the War vs. Terror was never really about political ideology, religion or security. It was about corporate profits, access & control of fuel fossil supplies & preserving the neocolonial strategy of keeping Persia & the Arabian peninsula divided.

- Taps Balce

No comments: