Bike to work, bike to school, bike to play, bike today!

May ilang dekada ng ina-advocate ng maraming environmentalist group ang bisekleta; bukud sa Earth Day bukas, taon-taon, ang daming iba't-ibang pakulo, bongga, patok at dinudumog ng mga siklista ang “Tour of the Fireflies,” “The World Car-Free Day” at iba pang kahalintuld na aktibidad. Tulad na lamang ng panawagang “Bike to work, bike to school, bike to play, bike today,” nakakalungkot isiping “hanggang panawagan na lamang ang adhikaing ito!” Mukhang hindi kaya ng mga Pilipino na tapatan ang tradisyon ng Amsterdam, Netherlands, Scandinavian countries, Europa at Beijing, China sa larangan ng pagtangkilik sa pagbibisekleta.
Ano kaya ang dahilan, "dahil ba sa NAKAKAHIYANG mag-bike, muka kang TANGA, baka kantyawan ng iba o dahil ba sa mainit, humid ang klima, lubhang delikado at maalikabok ang kalagayan sa Pilipinas?" (Photo above: Earth day --- Libu-libong bikers ang nakiisa sa taunang ‘tour of fireflies’ kung saan inikot ng mga bikers ang pitong lungsod sa Metro Manila bilang bahagi ng selebrasyon ng Earth Day (AFP) , http://www.abante-tonite.com/issue/apr2108/index.htm)

Pero, sa kabila ng mga matitinding advocacy work, bonggang aktibidad ng mga NGOs, parang stagnant, walang dating sa masa, parang bingi't walang epekto sa mamamayan, lalo na sa middle class ang “bike to work, bike to school, bike to play, bike today.” Nananatiling mas dominant (mayayabang) na mentalidad, tradisyon o kasabihan sa mga Pilipino na ang "ang palatandaan, ang sukatan ng kaunlaran at pag-asenso ng bawat pamilyang Pinoy ay ang pagkakaroon ng sasakyan, lalo na kung ito'y SUV." Kung paliitan ng sasakyan (compact, mini sizes, hunchback) sa bansang Europa, aba dito sa atin baligtad, palakihan, SUV ang popular.

Kahit P45.0/litro na ang presyo ng gasolina, kahit lumalala't matindi ang TRAFFIC sa Kamaynilaan, patuloy na lumalakas ang bentahan at pagtangkilik sa mga SUV, sa paggamit ng sasakyan (20.0% growth sale, 2007). Ang malungkot, mukhang nakagawian ng sumakay ng Jeep o tricycle ang mga Pilipino kahit isang kilometro (walang nangangahas maglakad) lamang ang layo ng kanyang pupuntahan.

Kung magkakaroon ng patakaran ang gubyerno at MMDA na isulong ang paggamit ng bisekleta, mangangailangan ito ng bilyong pisong ayuda, suporta't inprastruktura. Tulad ng pagkakaroon ng insentibo sa sinumang tatangkilik ng paggamit ng bike, paglalagay ng ligtas at kaika-ikayang bicycle lane sa lahat ng lansangan, paglalagay ng mga plaza, mga inbakan at paradahan (parking area) ng bisikleta sa bawat mga instasyon ng LRT, MRT, Mega Train at mga establisyimento (pribado't gubyerno) sa Makati o sa Kalakhang Manila. Makakatulong din siguro ang pagdi-discourage sa mga tao na bumili ng sasakyan, taasan, triplihin ang sinisingil na buwis sa mga luxurious na SUV at awtomobil at singilin ng malaking halaga sa parking fee ang mga sasakyan. (Photo above: ... parking facility in Amsterdam 400 x 267 - 44k - jpg bikecommutetips.blogspot.com)

Sa ngayo'y pabago-bago, taas-baba ang presyo ng langis sa world market, nung nakaraang buwan, nasa $98.0-100.0 / barrel, ngayon nasa $117.0 / barrel ang presyo, baka bukas, umakyat ng $120-130.0 / barrels? Minsan, "kahit sablay, naisip kong parang okey na rin na itaas ng sagad sa buto ang presyo ng krudo't gasolina, kahit umabot ng $200.0/barrel o katumbas ng P65.0 / litro sa bansa, kahit sinasabing maapektuhan ang produksyon at ekonomya ng bansa." Baka sa paraang ito, magbago ang mga maluluho at mayayabang na Pinoy.
Ewan ko, pero dahil kahit paano, baka siguro matauhan na ang mga Pilipino, baka ito na ang hudyat para maipalaganap ang paggamit ng alternative means of transportation, tulad ng bisikleta, hindi lamang mura, efficient, environmentally sensible at nakabubuti pa sa kalusugan. Isang radical shift o pagbabago ng mentalidad, values at attitude ng ating lipunan o ng ating mga sarili.

Naalala ko tuloy ang sumikat na panawagan ni Ariel Ureta, isang TV host at comedian, nung idineklara ang Martial Law, “sa ikauulnad ng bayan, bisekleta ang kailangan.” - Doy

Related Story:
How New Energy Order Will Dramatically Change our Daily Lives
Michael T. Klare, Tomdispatch.com.
April 16, 2008.
Get ready for a new world order in which energy will govern what we eat, where we live, and if and when we travel.
http://www.alternet.org/environment/82476/
Oil prices hit new high
http://www.independent.co.uk/news/business/news/oil-prices-hit-new-high-812848.html
Oil prices reached a new high above 117 US dollars a barrel today amid further fears over supply.
Environment has a way to get back at plunderers
http://www.cbcpnews.com/?q=node/2153