BLOGS, ang bagong sandata ng mamamayan

Wala sa guni-guni ko na balang araw ay maihahanay ako sa web blog o blogging na tinatawag na aktibidad. Una, hindi ko man lang pinangarap na maging writer. Pangalawa, dahil madalas at mas mahilig ako sa gawain labas at hindi nakagawian ang pagsusulat, wala sa aking bukabularyo na balang araw ay mai-involved ako sa pagsusulat na may kaugnayan sa lipunan at pulitika.

Naalala ko pa, noon mid-1990, bukud sa hirap ako sa pagco-computer, ang ratio ng personal computer (PC) sa opisina ay 1: 3, meaning sa isang PC, tatlo kaming gumagamit.. Kaya pila kami't naka-schedule ang bawat isa sa paggamit ng PC at kung minsan kung tapos na ang pag-eencoding, GAMES lang ang susunod na aming inaatupag at minsan magpahanggang ngayon at pangbwelo bago ang trabaho, naglalaro ng games sa lap top computer.

Nagsimulang mag-usisa ako sa mundo ng internet (IT), manaliksik ng mga paksang may kaugnayan sa pulitika at lipunan, makipagpalitan ng opinyon at komentaryo sa mga e-groups, ng maglaan ng Lap Top computer ang opisina sa bawat staff. Ginawan ako ng BLOGs ng aking ka-opisina noong unang quarto ng taong 2006, isang taon bago ang mid term election sa Pilipinas.

Maraming nagsasabi na “Year of the Filipino Bloggers” raw ang nakalipas na taong (2007) . Maaring may katotohanan, kaya lang, subalit kung sinasabing “ita-take over” ng BLOGs ang papel ng television na magbroadcast at magbigay ng inpormasyon sa mga nangyayari sa mundong ibabaw lalong lalo na ang mga kaganapang tunggalian at kontradiksyon ng tao sa tao, sa estado't lipunang ginagalawan, mukhang mahirap atang arukin. Ewan lang natin? Sa katunayan daw, ang sabi ng ilang mga dalubhasa sa Info Technology sector, “ang rebolusyon at pakikibaka ng mamamayan ay hindi gaanong maite-televised, bagkus ito'y panigurong maibo-BLOGGED.”

Sa kasalukuyan, bukud sa isa ng umuusbong na pampulitikang pwersa ang BLOGS, umiiral na raw sa ngayon ang “blogging revolution, online freedom" at nakikipagsabayan na ang Pilipinas sa international blogging, o kabahagi na tayo ng western blogging networks. Kaya lang, sabi ng iba, parang na sesentionalized, over acting, exagerated ang nasabing “take over” ng BLOGs.

Kung matatandaan, ang Blogs ang naging pangunahing means ng propaganda't information warfare sa Gitnang Silangan, ang digmaang bayan ng Palestino, mamamayang Iraqi, Afghans at ilang masasalimuot na kaganapan sa Africa at Timog Amerika. Ginamit ng mga simpatisador ng grupong Hezbola (guerilla movement at political party sa Lebanon/ anti-Israeli army) ang Blogs upang ilarawan, ilantad at ipakita sa PINAKAMABILIS na PARAAN sa buong mundo, partikular sa Arab world ang panloloob, pananakop,ang kalupitan at pang-aabuso ng sundalong Israeli sa Lebanon, ganun din ang karanasan ng ilang liberation movement sa Mexico at Iraq. Ginamit din ng mga Yangon ang bloggings upang ipakita ang katotohanan, ang panunupil ng gubyernong junta sa Burma.

Sa kaso ni Brian Gorrel, isang Australianong blogger na pumapel bilang whistleblower sa isang insidente ng panloloko, pang-eestapa't kabulustugan pinaggagawa ng grupong kung tawagin ay “Gucci Gang,” grupo ng mga sociedad at anak ng mga super rich sa bansa. Sa pamamagitan ng blogs, maliban sa nagoyo siya ng mahigit $70,000.00 at may malubhang karandamang dinaranas, mapangahas nitong naisiwalat ang buluk na kulturang gawi ng mga anak ng mayayaman sa Pilipinas. Dahil dito, hindi lang sa Pilipinas, mahigit 2.0 milyon ang bumisita (hits) sa kanyang BLOGS, buong mundo ang naniwala sa kanya. (Photo: Brian Gorrel, http://www.abs-cbnnews.com/storypage.aspx?StoryID=113785)

Sa isang artikulong "Why we are all journalists now" na inilabas ng London's BBC, ang pagsambulat ng citizen journalism ay isa sa kagila-gilalas, kamangha-manghang pangitain at kaganapan sa kasaysayan ng mundo ng information at communication technology (ICT). Sa kulang-kulang na limangpung milyon (50 milyon) mga bloggers sa mundo at ilang daang milyong mga mambabasa't gumagamit sa online news sources. Parang sinasabing, mukhang naradicalized ang anyo't hugis ng paraan sa pag-access ng pang-araw-araw na balita't inpormasyon ang mundo.

Ayon sa aking kakilalang dalubhasa sa ICT, may humigit kumulang na sampung (10) milyon (kasama ang ilang libong gumagamit sa Internet cafe) ang may access sa internet at blogs sa Pilipinas. Ganun pa man, maaring mahigit-kumulang sa kalahati ang nananatiling umaasa sa inpormasyong inihahatag ng mainstream broadcast media(television at radio) at kasabay nito, kulang-kulang sa kalahati (40%) ay halos pinaghahatian ng print at on line-new media.

Doy Cinco / IPD
April 5, 2008

Related Story:
The Brian Gorrell case: Blogging as a tool to get 'justice'
http://www.abs-cbnnews.com/storypage.aspx?StoryID=113785
Egypt bloggers prepare second strike on regime - Agence France-Presse http://newsinfo.inquirer.net/breakingnews/world/view/20080408-129035/Egypt-bloggers-prepare-second-strike-on-regime