Gera sa Mindanao, namumuo

Mukhang namimintong sumiklab muli ang gera sa pagitan ng MILF at AFP / gubyerno. Ayon sa mga nagmamasid, inaasahang puputok ang gera matapos ang ARMM election sa Agosto, meaning sa bandang Setyembre - Nobyembre, "panahong nasa kasagsagan ng pampulitikang krisis ang bansa, said na ang reserbang bigas ang NFA at sagad hanggang langit ang taas ng presyo ng pagkain, nasa P60/litro na ang gasolina, panahong umaatakeng militar ang NPA, panahong sinasalanta tayo ng sunud-sunod na malalakas na bagyo't baha at panahong nasa kalsada na ang mamamayang nagpoprotesta dulot ng patong-patong na krisis ng country." (Photo: AFP forces in Mindanao, www.daylife.com)

Ang isyu ng goyoan at nauudlot na usapang pangkapayapaan, ang inaasahang dayaan at kaguluhan sa election at ang pananabotahe't iki-create ng ilang susing tao sa Malakanyang ang siyang salarin at magpapasiklab ng digmaan sa Mindanao. Kung matatandaan, ilang buwan na ang nakalipas nang mahiwagang dumalaw ang US Ambasador Kenney sa kuta ng MILF at binatikos agad ito ni Senador Nene Pimentel, kapuna-puna rin ang lumalakas na panawagan ng "isang Moro Republic" sa hanay ng mamamayang moro, kasabay na balita ang pag-atras ng Malaysia sa peace talks at lumalakas na adbokasiyang peace movement ng maraming sektor sa Mindanao.

Kaya lang, mukhang lumalabas na kagustuhaan din ng Malakanyang, ilang makapangyarihang pulitiko sa Mindanao at ilang may utak pulburang General sa AFP na madiskaril ang usapang pangkapayaan sa Mindanao. Bukud sa karaniwang dahilang "isang hanapbuhay, gatasang baka ang GERA, isang daan para sa promotion, ang muling pagpapataas ng budget at nakaumang na procurement ng malalakas na armas pandigma ng AFP, tulad ng night vision attack helicopter, lalabas na sisikat na naman ang mga General sa AFP.

Sa kasalukuyan, nung nakaraang buwan (April 30) gamit ang mga howitzers, mortar at mga OV-10 bombers, nagsimula ng pulbusin ng AFP ang Talipao, Sulo. May 40 civilian ang nasaktan at namatay sa insidente. Kung matutuloy ang malakihang digmaan at tatalima ang AFP sa panawagang "global war on terrorism," bukud sa mga utak pulburang mga Generals at pulitiko, tiyakang matutuwa rin si Bush at kanyang mga warmongerer sa US State Department." (Larawan: http://www.airliners.net/aviation-photos/small/9/6/2/1035269.jpg)

May mahigit pitong (7) taon ng nasa hapag-agenda ang isyu ng anscestral domain o ang lupang katutubo ng mga kapatid nating Moro sa Mindanao, subalit tila ata gumagawa ng maraming hadlang, kadahilanan, "kesyo lalabag at usapin daw ito ng Constitution," kesyo kailangan pa raw itong iproseso sa Tongreso, etchetera...Parang palalabasin pa atang ang MILF ang may gusto ng gera, ang MILF ang instigador at naghahanap ng basag-ulo?

Kung matatandaan at babalikan natin ang dalawang beses na mga pronouncement ni GMA sa State of the Nation (SONA) address kamakailan, tandang-tanda natin ang alingaw-ngaw na, "sa loob ng kanyang pagtatapos sa panunungkulan sa 2010, meaning sa loob ng tatlong taon, “kanyang buburahin, dudurugin ang rebelyon at insureksyon ng MILF, MNLF at CPP-NPA.” Sa ganitong pusturang counter-insurgency, wala talagang maasahan magkkaroon tayo ng kapayapaan at kaunlaran sa Mindanao.

Ang hadlang sa usapin ay parang nauulit lamang. Sa badang huli, ang kagustuhan pa rin at modus operandi ng Malakanyang na gatungan at pag-alabin ang gera sa Mindanao. Hindi alintana ng Malakanyang ang trahedyang epekto ng Gera sa bansa. Ilang civilian ang tatamaan at daang libong internal refugee ang maire-relocate (internal refugee) at kung tatlumpung milyong piso (P30.0 million / day) kada araw ang mawawaldas sa kabang yaman ng bansa.
(Larawan: (Photo; US Ambassador Kristie Kenney and MILF chairman Al Haj Murad emerge from a close-door meeting in Camp Camp Darapanan in Sultan Kudarat, Shariff Kabunsuan Tuesday at which they discussed ways to resume stalled peace talks between the secessionist group and the government. PHILIPPINE DAILY INQUIRER/EDWIN FERNANDEZ / INQUIRER MINDANAO BUREAU / http://newsinfo.inquirer.net/breakingnews/nation/view/20080219-119822/US-envoy-Kenney-MILF-chief-Murad-meet-on-peace-process)

Sapagkat nasa counter insurgency mode ang AFP at paghahasik ng lagim ang balangkas ng gubyerno, tulad ng dati, ang buluk na istratehiyang "idevide and rule ang hanay ng kaaway, maglunsad ng kaguluhan (special ops) tulad ng pagpapasabog na ibibintang sa MILF at magcreate ng senaryong walang intensyon ang huli sa usapang kapayapaan, sila'y mga terorista, may kaugnayan sa Abu Sayaff / JI, sila'y mga alagad ng Al Qaeda / Bin Laden at dapat mawala't mabura na sa mundong ibabaw." Ang tanong, maniwala pa kaya ang tao, kadadalaw lang ng US Ambasador Kenney sa MILF camp?

Mukhang napaghahalata na rin ito ng bansang Malaysia kung kaya't ninais nitong lisanin na ang papel nitong pagmamanman ng kapayapaan sa Mindanao. Sa tingin siguro nila, ginagago't ginagamit lamang sila ng Malakanyang.
(Larawan sa baba: pwersang MILF)

Ang nalalapit na ARMM election ang siya pang magpapalala ng sitwasyon sa Mindanao. Magkaroon man ng poll automation o wala ang eleksyon, malamang sa hindi, "hindi ito kikilalanin ng mamamayang Moro." Para sa mga kapatid nating Moro, tanging ang panawagang pagtatayo ng genuine "Bangsa Moro Autonomous Government, ang pagbubuwag ng peke, tiwali at manipuladong Autonomous Region for Muslim Mindanao (ARMM) ng Malakanyang na pinamumunuan ng mga AMPATUAN ang isang tanging solusyon sa kapayapaan at kaunlaran ng Mindanao."

Doy / May 7, 2008

Related Story:
1. MILF calls on gov’t to quit dilly dallying peace process
http://www.cbcpnews.com/?q=node/2488

2. Moro youths to revive call for independence by ROMY ELUSFA
http://www.gmanews.tv/story/93869/Moro-youths-to-revive-call-for-independence

3. Lanao folks tag AFP unit of undermining ceasefire
NewsMay 3, 2008
Peace-loving residents of Lanao del Sur province complaint of the recent activities of the 103rd Infantry Brigade, Armed Forces of the Philippines (AFP) headed by Col Rey Ardo that caused so much fear and terror. In text messages sent yesterday to luwaran, the folks said “For the last three days, forces of the103rd Brigade of the AFP had been moving around in different municipalities of Lanao del Sur in very alarming fashion. This morning at the heart of Marawi City their convoy in full battle gear passed through, which created so much apprehension to the public. Kindly make representation for the interest of peace for the transfer of Col Ardo."
http://www.luwaran.com/modules.php?name=News&file=article&sid=693