Ouster plot kay Among Ed, tuloy na

Doy
June 26, 2008
Kumilos na kahapon ang mga galamay ng mga Pineda, Lapid at tumatayong Padrinong si Cong Mikee Arroyo upang simulan na ang destabilization at pagtanggal sa pwesto ng kasalukuyang Gubernador ng Pampanga, si Among Ed. Matapos maisampa ni Among Ed ang plunder case laban sa weteng lord na si Bong Pineda, kamakalawa, agad ikinasa ni Mikee Arroyo (calling the shot mula sa Amerika) at Lilia Pineda ang digmaang pulitika sa Pampanga at mukhang "kasado na ang lokal na makinarya" para i-RECALL si Among Ed.
(Photo left: Bong Pineda, www.pcij.org, Photo below; ex-Gov Mark Lapid, www.pep.ph, Mikee, GMA at MIke Arroyo, valleynotebook.wordpress.com)

Matagal ng atat na atat ang tatlo (Pineda, Lapid at Arroyo) na tanggalin sa pwesto si Among Ed, sa kabila ng kabi-kabilang mga natatanggap nitong parangal at suporta mula sa mga Capangpangan, sa buong bansa, mula sa NGO communities, simbahan, civil society organization, mula sa ibayong dagat (Amerika, OFW group), ang Gawad Kalinga, Inquirer’s Filipino of the Year 2007, ang katapangang ipinakita nito para sa katotohanan, ang pamumudmud ng tig kakalahating milyong piso (P500,000.00) suhol ng Malakanyang para sa mga pulitiko (LGUs) at ang pinaka-panghuli, ng mapabilang isa sa modelo ng “best practices” ng good governance (with Gov Padaca of Isabela at Jess Robredo ng Naga City) sa bansa si AMong Ed.

Kung matatandaan, ang pagkakapanalo ni Among Ed sa governatorial race sa Pampanga ang isa sa pinakaremarkable at pinakamakasaysayan kaganapan tagpo sa kabuuang pandesiplinang electoral politics sa bansa. Sa kakapiranggot na botong isang libong (1,000) botong winning margin, si Among Ed na dating isang paring diocesan ay sinasabing walang karanasan sa larangan ng pulitika't halalan, ang yumanig sa tatlong pinakamakapangyarihang pulitiko ng probinsya, ang Macapagal Arroyo Clan, ang natalo at dating gubernador na si Governor Mark Lapid at ang natalong Provincial Board member Lilia Pineda, asawa ng pinakilala at pinakakontrobersyal na gambling "weteng' lord ng bansa, si Bong Pineda.

Nananatiling solido, malakas at makapangyarihan ang pwersa't makinarya ng mga kaaway ni Among Ed sa probinsya. Ang dating magkatunggaling Pineda at mga Lapid ay pinagkaisa na ng mga Arroyo sa tulong ng pagkakatalaga ng huli sa Philippine Tourism Authority upang ipokus at pagtulungang pabagsakin sa pwesto si Among Ed. Pilit nitong sinasagkaan ang konsolidasyon ng panimulang punla ng repormang politikal na matagal ng asam-asam ng mga Kapangpangan.

May mga ugung-ugong na may isang bilyong piso (P1.0 billion) na ang pinakawalan (mga P100.0 milyon kada bayan) simula pa nuong nakaraang Enero ang iminudmud ng sabwatang Arroyo, Pineda at Lapid upang simulan ang destabilization at paganahin sa susunod na buwan (Hulyo) ang nasabing Recall sa probinsya. Kung saka-sakali, ano ang maaring isangkalang kaso ng Provincial Board at mga lokal na trapitong mga Punong Bayan laban kay Among Ed?

Nang hindi bumenta, walang naniwala sa kasong ibinato ng mga Mayors sa pangunguna ng attack dog at KONTRATISTANG Mayor Pelayo kay Among Ed na “nandaya” raw siya noong 2007 election, " nagVOTE BUYING daw siya, nanuhol, nanakot ng botante at nagsagawa raw ng dagdag-bawas, kumambyo ang mga ito sa panawagang “loss of confidence at in-efficient daw si Among Ed.” Wala na raw kompyansa ang mga Capangpangan kay Among Ed." Ang tanong ko naman, sinong Capangpangan naman ito, yung mga CABO ng weteng, ang mga goons-lider-lider nila sa barangay, ang mga inaa-anak at kamag-anak nila, ang private armies nila sa probinsya at mga sindikatong naapektuhan ng raket sa QUARRY?

Sa isang pagtitipon at press conference ng mga Mayor ng Pampanga kahapon sa Matalino St, Quezon City, kapal mukhang sinabi nitong “frustrated na raw sila sa performance ni Among Edbilang gubernador. Nabigo raw ito na tugunan ang matitinding problemang bumabagabag sa probinsya, tulad ng solid waste management at matagal ng suliraning paulit-ulit na pagbaha sa mga mababang lugar ng probinsya. Hindi raw nasawata ni Among Ed ang prostitusyon, drug addiction at ang lumalalang kriminalidad sa probinsya. Kung 'di ba namang sandamakmak na tanga, uguk at taran... itong mga Mayor na ito, wala pangang dalawang taon sa panunungkulan si Among Ed, kung ikukumpara sa walong taong dilubyo't kamalasang panunungkulang ni Gloria Macapagal Arroyo sa Malakanyang.

Dahil daw kay Among Ed, pati raw ang Kapitolyo ay nagmistulang isa ng simbahang Cathedral. Ang mga larawan ng dating gubernador ay pinagtatanggal raw nito at ipinalit ang naglakihang larawan ng kanyang sarili.”

Paano magiging epektibo't efficient ang governance ni Among Ed kung binabara, pinaparalisa ng mga Pineda at Arroyo ang operation at inplementasyon ng mga programa ng probinsya. Isang kongkretong halimbawa ay ang Provincial Board at Mayors Ordinance 176 kung saan pipilayan ang kapangyarihan ng Governor (desisyon sa kung saan-saan mapupunta ang share na kita ng quarry) sa kapakinabangan ng mga Mayor ng probinsya at ang kasong "graft o kurakot" na isinampa ng sampung (10) provincial board member at Vice Gov Bren Guiao sa Ombudsman. Ayon sa nagmamalinis na Guiao, “dereliction of duty, gross inexcusable negligence, grave misconduct, abuse of authority and/or impropriety in the performance of duty raw” ang kaso ni Among Ed.

Kawawang Among Ed, ang tanging kasalanan lamang nito ay "ang hindi pag-aktong pulitiko, ang hindi umayon sa kalakaran, hindi humalik sa tumbong ng mga Arroyo't Pineda, maging hunyango at makisalamuha't lumahok sa pandarambong ng kabang yaman ng probinsya."

Hindi tayo magtataka na ang ouster plot kay Among Ed ay bahagi na ng paghahanda para sa 2010 presidential, local election at political survival ng angkang Arroyo Macapagal sa kapangyarihan. Balak bawiin muli, gawing balwarteng pulitikal ng mga Arroyo ang probinsya sa pamamagitan ng pagtatalaga nito kay Cong Mikee Arroyo (last termer at nagmukhang tanga bilang Energy Chair sa Tongreso) bilang gubernador sa 2010 at maisasakaturan lamang ito kung maagang mawawala sa eksena ang magaling na gubernador ng Pampanga na si Among Ed.

Related Story: Panlilio marks first year in office by Ding Cervantes
http://www.philstar.com/index.php?Nation&p=49&type=2&sec=28&aid=20080630127