Si Misuari, ang kinikilalang lider ng Moro National Liberation Front (MNLF) ay dating gobernador ng Autonomous Region in Muslim Mindanao, kasalukuyang naka house arrest sa kasong rebelyong nuong 2001 kung saang tahasang nanawagan ito ng isang aklasang bayan ng Moro laban sa gubyerno ni Ate Glo.
Kung palalayain si Misuari, maliban sa kahit paano'y maibabalik ang kumpiyansa sa pinagugulong na prosesong pangkapayapaan, makakalahok ito sa isang Tripartite na usapan (GRP, MNLF, Organization of Islamic Conference -OIC) na gaganapin sa Jeddah, Saudi Arabia sa susunod na buwang kasalukuyan.
May ilang dekada ng nabibinbin ang usapang pangkapayapaan (Tripoli Agreement) sa pagitan ng MNLF at GRP, hiwalay pa sa ginagawang peace effort sa isa pang grupo, ang Moro Islamic Liberation Front (MILF) . Ang nakakalungkot, may ibang "agenda" ang Malakanyang, ang pagpapatupad ng "global war against terrorism" ni Bush ng Estados Unidos. Kung pansamantalang magkaka-aregluhan sa MNLF, nanatiling naka-umang naman ang pansin sa MILF, Abu Sayyaf na ginagamit ng ilang tiwaling militarista sa loob ng AFP upang isabotahe't idiskaril ang usapang pangkapayapaan sa kabuuang Mindanao.
Hindi makakatulong ang iminumungkahing proposition ni Presidential Adviser on the Peace Process Jesus Dureza na dis-armahan ang grupong MNLF, sapagkat mas dapat unahing dis-armahan ang libu-libong private armies ng malalaking angkang pulitiko sa Mindanao at pananatili ng tropang Amerikano't AFP sa lugar.
Ang mas dapat asikasuhin, maliban sa pagpapalaya kay Nur Misuari't pagtalima sa naunsyaming "peace agreement," ang pagpapriority ng Gubyerno at ni Dureza na suportahan ang KARAPATANG panawagang “self determination-ang papapasya sa sarili” ng ating mga kapatid na Moro. Idagdag pa ang panawagang “local good governance” at genuine local autonomy ng kalakhang Mindanao. Relatibong may katagalan ang ganitong ROAD MAP na proseso, pero nakasisiguro tayong patok at epektibo ang ganitong kaparaanan.
Kung maisasagawa ito, malaki ang pag-asang kusang magdidis-arma ang mga armadong grupo sa Mindanao.
link: "Setting up the MILF" by Joel Rocamora
http://www.tni.org/archives/rocamora/milf.htm
Doy Cinco / IPD
Feb 7, 2007
1 comment
magandang umaga ginoong francisco cinco. baka makatulong ang mga opinion ito sa paglinaw, bakit ayaw palayain si nur misuari:
1. ang tinatawag na 15 council ng mnlf ang syang dahilan ng pagkakawatak-watak ng samahan ng mnlf. nabigyan ng malakanyang ng matataas tungkulin sa gobeyerno, iniwan at naging taksil sa adhikain ngmnlf para sa kapakanan daw ng mga moro.
2. ang kasalukuyang armm gobernor na iniluklok ng malakanyang sa pamamagitan ng isang bugos na eleksyon ay hindi napapabilang sa grupo ng mnlf. dapat nating maunawaan na ang armm ay resulta ng rebolusyon ng mnlf at nararapat lamang na mnlf ang dapat mumuno sa armm government. meaning, walang ng autonumus region, pangalan na lamang ito, binabawi na ng gobyerno ang pamunuan sa pagluklok ng kanilang piling moro leader at hindi na ito ibabalik sa pamunuuan ng mnlf.
3. ayaw ng ilang ledirato ng arm forces ang kapayapaan, bakit? sila ay studyante ng kano sa balikatan. ayaw ng kano sa mga rebeldeng muslim. hindi sila maaring pumasok sa pinas upang makipaghamok, kaya't arm forces ng pinas, pinoy kapwa pinoy ang syang wawasak sa pagsulong ng kapayapaan sa mindanao. at ito ay binasbasan ng malakanyang.
sa mga politiko at negosyanteng buwaya sumuporta sa nais ng kano at malakanyang na nabiyayaan ng power at salapi, isa na dito ay ang taong tulad ni jess dureza.
4. ang nabibiling armas ng moro rebel group ay galing sa arsenal ng arm forces. ang mga dealer, sundalo rin. bakit? kumita sa panggatong ng giyera , at si kano naman ay tuwang tuwa dahilan sa ang kanilang produktong armas ay nabibili at nagagamit, at nagsisilbing dahilan upang patuloy silang makialam sa pinas. indicator- magdalo rebellion, gringo rebellion,
scout ranger rebellion ano ang dahilan ng mga ito.
alam na ng nakakarami. subalit bulag pa rin ang pamunuan ng gobyerno sa kaganapang ito dahil , renda sila ng kano.
-Bebot T. Santa Cruz