SUPER MACHINERY ng pandaraya't panggugulang, nagsimula na!

Alam natin lahat na may hokus pokus, may dayaang dagdag-bawas at manipulasyong nagaganap o walang dudang magaganap sa panahon ng election period, sa panahon ng COUNTING at CANVASSING. Ito'y pinatunayan ng “am sorry hello garci controversy” noong 2004 presidential election. Ipinapahiwatig lamang na perfect na ng mga “electoral operators na kasabwat ang Comelec” ang teknolohiyang dayaan kahit noong pang 1992, 1995, 1998 presidential election. Alam ito ni Sen Biazon, Nene Pimentel at iba pang mga naging biktima ng dagdag-bawas.

Dahil sa pagkaka-bulabog ng modus operandi ng “hello garci controversy,” mukhang mamiminimized sa COUNTING period ang matinding dayaang inaasahang magaganap sa May election. Kaya't maaring tignang nasa preparation stage pa lang, nasa CAMPAIGN period pa lang ay kakanain na't lalamangan na Malakanyang sa dayaan ang oposisyon. Walang dudang nagsisimula na ang malulupit na dayaan sa election, at ito ang kadalasa'y nagco-contribute sa dayaang dagdag-bawas sa panahon ng BILANGAN at CANVASSING.

Ano-ano ang mga ito;
1. nanunuhol at namimili na ng kaluluwa ang administrasyon sa mga pulitikong (Wednesday Club) kakatig sa kaaway sa pulitika, sa UNO at brinabrasong lumipat sa Unity ticket ng Administrasyon o kahit sa maximum, kahit mag-INDEPENDENT man lang.

Bukud sa P100.0 milyong cash gift kada re-electionistang senador, lahat ng kanyang mga gastusin sa electoral campaign kitty na nagkakahalaga ng P150.0 milyon/each ay sasagutin ng Malakanyang. Pahihiramin o walang sawang ipagagamit sa mga re-electionista ang helicopter sa kanilang campaign sorties sa buong kapuluan (kasama kaya rito pati gasolina) kung gusto lamang NILANG KUMADIDATO para sa INDEPENDENT, meaning kahit hindi na mapabilang sa UNITY ticket ng Administrasyon. Ito ang buluk na istratehika't taktika ni Sec Gabby Claudio na ang tanging layunin ay pilayan, biyakin at hatiin ang boto ng oposisyon.

2. Kasama sa alok ng Malakanyang ay ang pagsagot sa mga gastusin sa electoral propaganda campaign; yung Ad placements, unlimited scale na exposure sa TV, radio at print. Hindi lamang 'yan, sisiguraduhin din ng Malakanyang na ipi-featured prominantly sila sa mga Talk Show sa television, both sa NBN TV 4 at Radio program (government owned) at sa mga pribadong Networks na “sympathetgic” kay Ate Glo. Idagdag pa ang garantiya na ipo-provide ng Malakanyang na hindi sila maakusahan, magagalaw ng Comelec na posibleng kasong pandaraya. Ika nga, “rules will be taken care of and dismissed by the Comelec.”

Sa tindi, sa laki ng offer ng Malakanyang, walang dahilan upang hindi masilaw o tanggihan ito ng dating Senador na si Tessie Oreta, Tito Sotto, Angara, mga posibleng nasa grupo ng independent, "Wedenesday Club" na si Sen. Ralph Recto at Joker Arroyo. Kaya pala't ganun-ganun na lamang ang pagkukumahog ng mga re-electionistang ito na hanggang sa huling sandali na idelay muna, ilinaw kung MAGKANO, the price is right, timbangin ang pagdedesisyon (resources-atik) na pumasok sa UNO o sa Unity ticket.

3. Gaano man ka-organisado't kasinop sa pagbabantay, gaano man karami ang mga election watchdog sa May 14-21, 2007, may isang milyon mang election volunteers ang PPCRV-CBCP, Halalang Marangal, Media at iba pang civil society (totoong makakatulong na maminimized ang dagdag-bawas) ay malamang mababalewala, sapagkat nasa COUNTING at CANVASSING lamang nakapokus ang kanilang atensyon at pagsisikap, samantalang ang mahigit 60% na dayaan ay nangyayari sa kabuuang proseso't kondukta ng halalan; ang 100 days pre-campaign period, ang 60 days campaign period, bisperas ng election at canvassing period.

Paano nga naman makakaungos ang Oposisyon-UNO kung ganito ka SUPER duper ang Makinaryang ibabalagbag ng Malakanyang sa Mayo? Nakakalungkot isipin na ang resources, kwarta ng country, na mahigit kumulang na P10.0 bilyon (winning at all cost) ang wawaldasin ng palasyo mailigtas lamang sa poder ng kapangyarihan (political survival) hanggang 2010 si Ate Glo.
Wala talagang kalaban-laban ang opposition kung pati ang manggasiwa ng bilangan, ang Comelec ay 'di parehas, walang credibility at inaasahang 'di kapani-paniwala. Upang ganap na mabura ang ganitong persepsyon ng taumbayan, ang isang hamon ngayon kay Ate Glo sa minimum ay i-overhaul na agad ang mga Comelec commissioners.

Napakahalaga sa ngayon na magkaroon ng pagmumuni-muni't repleksyon ang mamamayan pati ang oposisyon at administrasyon na lamanin sa plataporma, sa debate't diskurso sa entablado't pangangampanya kung paano maisusulong ang electoral at political reform, kung paano maio-overhaul ang COMELEC, kulturang dayaan sa pulitika at kung paano palalakasin ang Political Party sa bansa.

Link : http://www.tribune.net.ph/headlines/20070211hed1.html
P100-M ‘goodwill’ for each; campaign expenses, ads shouldered / Gloria buys off bets; cash, chopper offered cash offered-w
Link: "Dayaan (dirty tricks) sa 2007 election, nagsisimula na"
http://doycinco.blogspot.com/2006/11/dayaan-dirty-tricks-sa-2007-election.html

Doy Cinco / IPD
Feb 11. 2007