Wednesday, February 22, 2006

The Best President? - “Wag n'yo nga kaming PAGLOLOKOHIN”

Manhid ka ba, wala ka bang pakirandam, wala ka bang paki-alam, walang sensitivity, walang ka-fassio-fassionate, out of touch ka ba, lutang at wala sa hulog, na sa ibang planeta-galaxy, hindi n'yo alam ang tunay na nangyayari, hindi n'yo alam ang inyong pinagsasabi (lasing ka ba, high ka ba sa drug-adik). Ang yabang-yabang n'yo! Sinusuka na kayo ng country (SWS-Pulse Asia survey) ayaw n'yo pang lumayas diyan sa Malakanyang. Paano n'yo nasabing pinakada-best na presidente kayo?

Sige na nga, tama ka nga Ate Glo, tulad nga nung sinabi n'yo (2 years ago), “kagagawan ng LORD ang pagiging presidente n'yo at suportado kayo ng mga Obispo't Vaticano. Dahil sa inyo, nalagay sa mapa ng mundo ang Pilipinas! Haaaa......Saan, bilang magna-cumlaude sa Asia sa pangungurakot, pangungulimbat at prostitusyon, sa illegal gambling-logging, sa droga, sa malnutrisyon at sa pagiging katawa-tawa ng mundo!

May limang taon (5 years) paulit-ulit n'yong sinasabi sa SONA na masasawata n'yo ang pangungurakot sa gubyerno. Sinabi n'yo pa na sa loob lamang ng 365 days, magagapi't mawawala na ang weteng sa country. Sa loob lamang ng limang taong, sinabi n'yong mawawala na ang budget deficit ng country. Limang ulit n'yong sinabi na magkakaroon tayo ng sampung (10 years) milyong pa/trabaho't at mawawala ang kagutuman, mapapawi ang ka-TRAPUHAN sa pulitika. Sirang plakang sinbi n'yong palalakasin ang INSTITUSYONG pang-estado (Comelec, Tongreso, Hustisya, Tuwad bayan, Kasundaluhan at kapulisan). Wowoweeeee, 'di ka ba naluoy, sa batang Pinoy?

Kapalit ng pagdurusa ng country, pinagtibay n'yo ang lola ng mga buwis, ang E-VAT, nauwi lamang sa walang katapusang pangungurakot (fertilizer scam, pork barrel) at pambayad utang ng country. Dahil sa kawalan ng hanap buhay, humigit kumulang na limang libo (5,000) ang lumalayas at nag-aalsa balutan sa ibayong dagat.

Mahigit P400.0 bilyon taung-taong pambayad sa utang panlabas na sana'y dapat mapunta sa livelihood program, basic services at pagsasa-ayos ng mga (LGUs) lugar na prone sa kalamidad (dange zone: baha, bagyo, lindol, mga squatter sa tabi ng estero, tabing bulkan, bundok, epidemyang sakit), imbis na palagiang REACTIVE at pagkakamot ng bayag ng mga trapito. Ginamit n'yong pam-propa si Angelo de le Cruz (Iraqi hostage) at Ultra tragedy. Sa ngayon, pwede ba, tigilan n'yo na ang planong gamitin ule ang trahedya sa St. Bernard, S.Leyte?

Sino ang may sabi na “pinaka-da-best kayong presidente sa balat ng lupa”, si Mang Pandoy? Ang kapal n'yo naman, nagbuhat kayo ng sariling bangko. Sana mas dinagdagan n'yo pa ng propa, ang rewind na sinabi n'yo two (2) year ago na “walang mababago, walang babaguhin, walang dahilan para magbago ng direksyon, kung ano ang dati, yung pa rin, ako, ako, ako, ako lang palagi, ang dating Gloria pa rin ang makikita sa Malakanyang! Ang tagapagligtas sa sansinukob ng country?

Sa kabila ng political UNCERTAINTY, POLITICAL INSTABILITY at political crisis factor, paano ka makakapanghikayat, sinong timang, gago, tangang mamumuhunang (investors) dayo ang maglalakas loob na maniwala sa inyo? Unless, mag-resign ka na't ihatag ang trono sa grupong may kakayahan, may katalinuhan, may katatagan, may direksyon, prinsipyado at may buto sa gulugud tulad ng isang KONSEHONG inilalatag na at iminumungkahi ng Transition Revolutionary Government!

Naalala ko tuloy yung kinakanta sa videoke ni Norman sa Isabela noong 1990s, 100% pa nga; “Walk Away, please go.......ni Mat Monroe, napapanon. Pero,mas maganadang kantahin ngayon ang “POSIBLE” ng Rivermaya (inawit para sa SEA Games '05), “SULONG BAYAN, 'WAG UURONG. ABUTIN MO ANG PANGARAP AT AAHON ... POSIBLE”.


-doy cinco
IPD/ Feb 22, '06

No comments: