Debate, diskurso, imbes na magastos na electoral propaganda, political ad

Wasto lamang ang iminumungkahi ng Cong Biazon na imbes na magagarbo at magagastos na mga poster, streamers at political ad sa broadcast at print media ay debate (forum, sympo) ang gawing moda ng pangangampanya. Idinagdag din ni Rolex Suplico na ang nasabing pamamraan ay lubhang makakatulong upang maihiwalay at mai-isolate ang mga buguk at “idiot na kandidato,” maliban pa sa nagkakaroon ng voter's eduaction na hahantong sa katalinuhan ng botanteng Pinoy, ayon sa kanila.

Kung debate't diskurso ang mananaig sa kampanya, sa tulad na minumungkahi ni Cong Biazon at ni Rolex Suplico, kahit impusibleng mangyari ito sa ating bansa ay napakabuti, mainan, magiging makasaysayan at makakatulong sa panimulang pagsusulong ng Political at Electoral reform sa bansa. Ang Comelec, at iba pang election WATCHDOG ng simbahan, non-government organization (NGOs) at mass media ang siyang dapat maunang maaasahan gumampan ng ganitong napakadalisay na inisyatiba.

Ang isa sigurong lalamanin ng debate ay ang mahahalagang usaping SOCIAL, POLITICAL (democratization) at ELECTORAL reform na may kaugnayan sa isyu ng kahirapan, demokrasya at popular culture. Ang isyu ng;
1. external debt, GLOBALIZATION at Philippine-US relation
2. charter change (con con at con-as / parliamentary at presidential form of government, proportional representation sa Congress at Senate, pagdoble ng dami ng PARTY LIST)
3. anti-terrorism / global war on terrorism
4. human rights at kapayapaan
5. Environment
6. public utilities at delivery of basic services (ang isyu ng kuryente, tubig, pabahay, hospital, transpo)
7. education (issue ng english at filipino bilang medium of instruction) at kulturang Pinoy
8. isyu ng OFW
9. employment at industrialization
10. Agrarian reform and rural development
11. Political and electoral reform
12. ang isyu ng Milk code at breastfeeding
13. anti-prostitution at gambling / jueteng lords
14. abolisyon ng PORK BARREL at pagsasa-ayos, overhauling ng patakarang procurements, award and biddings sa proyektong bayan
14. ang isyu ng pagkakaiba ng Executive at Legislative work.
At marami pang iba.

Maliban sa tatak na TRAPO, halos lahat ng mga kinatawan (congressmen/women) ang naliligaw, dis-orient, gumagampan ng trabahong hindi kanila, gawain ng isang Local executive-LGUs at hindi ang konseptong gumawa ng mga batas at patakaran na siyang pangunahin diin ng trabaho sa Kongreso.

Dito na lamang sa QC, si Cong Nannete Daza (4rt District) at Ann Susano (2nd District) ay isang malinaw na halimbawa ng maling koncepto ng gawaing lehislatura/mambabatas. Maliban sa Kasal, Binyag, Libing (KBL), halos lahat ng achievements ng dalawang (2) ito ay pawang INFRA, paaralan, poso-tubig, waiting shed at pagpapalit ng pangalan ng mga istablisyemento o mga proyektong trinatrabaho na ng isang (overlapping) Mayor o Barangay Captain.

Halimbawa. ano ang mga panukalang batas (14 isyung nakalista sa itaas) ang gagawin kung saka- sakaling mailukluk sa Kongreso? Tungkol sa pagtatasa ng TRACK RECORD, ano na ang mga nagawa ng mga pulitiko at paninindigan sa mga 14 na isyung nabanggit? Ito ang mga katanungang dapat pagdebatihan, sagutin at resolbahin ng mga pulitikong nagnanais tumakbo sa congressional at senatoriable na labanan.

Tignan din ang; “Debate, imbes na magastos na political ads”
http://www.journal.com.ph/index.php?issue=2007-01-22&sec=4&aid=7372

Doy Cinco / IPD
Jan 22, 2007