Takot ang Comelec sa Malakanyang

Dahil nakataya ang ULO, ang political survival ni Ate Glo hangang 2010 sa nalalapit na May Midterm election, lahat ng paraan (at all cost) kasama na kahit magnegative zero ang credibility ng COMELEC, ang electoral (party list) at political system sa country ay gagawin upang hindi makaungos, hindi makarating sa tamang bilang na 80 ang oposisyon sa congressional district at Party List election.

Kamakailan lamang ay sumambulat ang panawagang ilabas, ilantad, ibulgar at isiwalat ng Comelec ang bumubuo ng mga nominado sa mahigit dalawampung party list (20) na pakawala, pinatakbo, hawak at kontrolado ng Malakanyang. Ang tanong ng country, bakit ayaw ipakilala ng ng Comelec, ni Chairman Abalos ang mga pangalan na nominado sa mga Party List na ito? Bakit, dahil ba sa nahihiya o nag-aalangan si Abalos?

Dapat tandaan ni Chairman Benjamin Abalos na hindi pa tapos ang kaso nito sa "National Printing Office-copy ng election returns, ang pagmamaniubra't disclosure ng kabuuang VOTER'S LIST sa Pilipinas, ang 5 milyong iligal na botante, ang sabwatang dirty tricks kay Cong Allan Peter cayetano, ang Hello Garci controvercy at ang P1.2 bilyong Mega Pacific Automated Counting Machine KURAKOT-Scam."

Sa kabila ng kaliwa't kanang pressure sa Comelec, nanindigan itong “hindi na mahalaga, hindi na kailangang malaman pa ng country, sapagkat ang ibinoboto naman ay ang partido at hindi ang mga nominado.” Bagamat sa unang tingin ay wasto, panggagago naman sa pananaw ng mamamayan. Simple lamang ang rason ng mamamayan, “kung talagang tunay ngang mga marginalized ang mga party list na pakawala ng Malakanyang, bakit itinatago, inililihim at sinisekreto ng Comelec ang mga pangalan ng mga nominado ng mga party listnna ito?” Kung totoo ang propaganda ng Malakanyang na popular at maraming naniniwalang mamamayang Pinoy sa gubyerno ni Ate Glo, kailangang ibunyag na't makilala ng mga botanteng maka-Ate Glo ang mga ito.

Bukud sa batid na ng mamamayan na isang tuta, maka-administrasyong ang Comelec, maaring dalawang punto ang iniingatan nito kung saka-sakaling maging pasaway at idisclosed ang mga pangalan ng mga nominado sa party list na pakawala ng Malakanyang. Sapagkat masunurin tupa ang Comelec, nakaumang sa kanila ang sari-saring banta, panakot at kaso (kasuhan ng pangungurakot) kung lalabagin, kung susuway sila sa utus at tagubilin ng Malakanyang.

Kung hindi maibubunyag sa publiko ang identidad ng mga noinado, hindi malayong paghinalaan, pagdudahan at pagkamalang pawang mga DRUG LORDS, GAMBLING LORDS (WETENG-sugarol), PEKENG marginalized, prostitution lords, GANGSTER, holdupper, snatcher, KILLER, RAPIST, ADIK, traditional politicians, political dynasty, iskul bukol, kawatan at KURAKOT ang mga bumubuo nito.

Kung ganitong klaseng tao ang mga nominado ng Malakanyang sa kanyang party list, may katwiran ang Comelec na itago nga sa publiko, isekreto sa botanteng Pilipino ang mga personalidad ng mga taung ito, sapagkat bukud sa walang kapana-panalo, totoong NAKAKAHIYA nga, hindi lamang sa bansa, maging sa buong mundo.

Hindi lamang tinatarantado ng Malakanyang ang nalalapit na halalan sa Mayo, maging ang institusyon ng Comelec at ang Philippine Congress. Kokopongin nito ang mahigit nobenta porsiento (90%) ng kabuuang District Representative at prty list sa bansa. Pipilayan nito ang mga maiingay na militante at Kaliwang Party List na kasalukuyang namamayagpag sa maraming survey. Sinu-sino ang tinutukoy na pakawala ng Malakanyang na party list, ayon sa grupong KONTRA DAYA;

1. AT (Aangat Tayo) -- allegedly connected to undersecretary Teddie Elson Rivera of the Philippine International Trading Corporation (PITC)
2. Abono -- allegedly connected to House Speaker Jose De Venecia
3. Agbiag! Timpuyog Ilocano, Inc. -- allegedly connected to assistant secretary Marcelo Fariñas II of the Office of External Affairs
4. Aging Pinoy (Aging Pilipino Organization, Inc.) -- connected to National Security Adviser Norberto Gonzales
5. Ahon (Ahon Pinoy) -- Dante “Klink” Ang II (1st nominee), son of Dante Ang, publicist of President Gloria Macapagal-Arroyo and chairman of the Commission on Filipinos Overseas.
6. Ahonbayan -- allegedly connected to Gonzales
7. APOI (Akbay Pinoy OFW-National, Inc.) -- whose first and second nominees are allegedly Interior and Local Government undersecretary Melchor Rosales and National Capital Region director Rodolfo Feraren, respectively
8. AKSA (Aksyon Sambayanan) -- allegedly connected to Gonzales
9. ANAD (Alliance for Nationalism and Democracy) -- allegedly supported by the Armed Forces of the Philippines (AFP)
10. ANAK (Angat Ating Kabuhayan Pilipinas, Inc.) -- whose first nominee is allegedly Superintendent Eduardo Octaviano of the National Capital Region Police Office
11. ANC (Alliance of Neo-Conservatives) – allegedly linked to undersecretary for Presidential Appointments Liel Cordoba
12. Ang Kasangga -- allegedly a member of Charter change advocacy group Sigaw ng Bayan
13. ARC (Alliance of Rural Concerns) -- Archie Santiago (son of Sen. Miriam Santiago)
14. ATS (Alliance Transport Sector) -- allegedly linked to Ariel Lim, Presidential Assistant for Public Transport Affairs
15. ABA-AKO -- Percy Chavez, chairperson, Presidential Commission for the Urban Poor
16. Babae Ka (Babae para sa Kaunlaran) -- allegedly a member of Sigaw ng Bayan; Sally Dagami (1st nominee), Ruth Vasquez (2nd nominee)
17. BANAT (Barangay Association for National Advancement of Transparency) -- Sigaw ng Bayan spokesman Raul Lambino (1st nominee)
18. Bantay -- retired major general Jovito Palparan (1st nominee)
19. Bigkis (Bigkis Pinoy Movement) -- allegedly connected to PAGCOR Chair Ephraim Genuino
20. BP (Biyaheng Pinoy) -- linked to Dr. Arsenio Abalos, brother of the Comelec chairman, and Mandaluyong Vice Mayor Jesus Cruz
21. Kalahi (Advocates for Overseas Filipinos) -- Poe Gratela, former Office of External Affairs coordinator for OFW concerns (1st nominee)
22. VFP (Veterans Freedom Party) -- allegedly supported by the AFP

Nakakalungkot isiping magiging ganito nga ang klase ng mga taong bubuo sa susunod na sesyon ng 14th CONGRESS sa Hulyo, 2007. Mabaho na nga, mga baboy na nga ang karamihan, lalo pang ilulubug sa kumunoy ng kawalanghiyaan at kagaguhan ang Kongreso. Kung magtatagumpay ang palasyo, lalabas na isang Kongreso ito na punung-puno ng mga pusakal, kriminal, isang Kongresong mga disusi, isang Kongresong rubberstamp, sunud- sunuran at ala Batasang Pambansang dinomina ng partidong KBL (kilusang Bagong Lipunan), sa ayuda't suporta ng diktadurang Marcos may tatlong dekada na ang nakalilipas.

Doy Cinco
April 14, 2007