Huwag n'yong GAGUHIN ang May, 2007 election

Inanunsyo ng Malakanyang kamakailan na "susuportahan" nito ang kandidatura ng dating Commissioner ng Comelec na si Virgilio “Garci” Garcillano kung sakaling tumakbo ito sa congressional May 2007 election. Si Garci, ang super controversial, ang tinagurian at binansagang “the biggest electoral thief sa kasaysayaan ng electoral politics sa Pilipinas” ay muling naging laman ng mga balita.

Ayon kay Sec Ermita, “kung tatakbo sa ilalim ng partidong KAMPI o LAKAS si Garci, sa 1st District ng Bukidnon, malugud namin itong susuportahan (palace is committed to support his candidacy).” Dagdag pa niya, “it us versus them.” Ibig sabihin ba nito, tuluyang ng ilalalag ng palasyo ang kaharian ng mga Zubiri at Acosta sa Bukidnon, mailigtas lamang si Ate Glo sa kapahamakan?

Habang isinusulat ko itong artikulo, nagpahabol pa ng isa pang katangahan at kataksilan si Ate Glo; muling binastos at nilamutak ang hustisya, muling naging BURIKAK at yumuku sa matinding pressure ni Uncle Sam, pumayag sa kahilingang ikustudiya si Corporal Daniel Smith mula sa city jail sa Makati tungong US Embassy huwag lamang madiskaril ang makaisahang panig na tratadong Visiting Forces Agreement (VFA), mabawi ang nauna nitong cancellation ng Balikatan exercise sa pagitan ng mga tropang Kano at syempre, mailigtas muli ang sarili (political survival) sa banta ng destabilization na maaring iisponsor ni Uncle Sam.

Pero, saka na muna nating talakayin ang ang isyung burikak at si Uncle Sam, muli nating balikan ang “hello garci” controversy at garapalang pagtakbo sa pulitika ni Garci.

Nakilala si Garci 'di lang sa Pilipinas maging sa buong mundo, sa Wikipedia encyclopedia sa internet, ang kahulugan ng Gaci ay "bilang mastermind ng dagdag-bawas special operation at nasa likod ng isang milyong (1.0 million) vote margin na ikinapanalo ni Ate Glo nuong 2004 presidential election (vote padding at vote shaving)." Hindi mabubura sa isipan ng mga Pinoy ang mga taghoy na "yung dagdag, yung dagdag."

Kung sa bagay, hindi na dapat pagtakhan kung bakit ganun na lamang ang pagmamalasakit, at pagmamahal ng Malakanyang kay Garci, bukud sa kapwa magkabalahibo, walang dahilan upang 'di sila magtulungan, sila'y magkatsokaran sa gawaing pandarambong ng country, pagnanakaw, pananalaula ng Constitution, pandaraya, kapraningan, rapist, istapador at sindikato. Layon din ni Garci na maproteksyunan ang sarili sa pamamagitan ng legislative "IMMUNITY" kung sakaling mailukluk ito sa Kongreso, mailibing sa limut ng kasaysayan ang isyu ng lying, cheating, kriming kinahantungan at illegitimacy ng gubyernong GMA.

Simula't simula pa lang ng “hello Garci controvercy” at election nuong 2004, bigay todong serbisyo, suhol at proteksyon ng buong ahensya't resources ng gubyerno, ng Department of Foreign Affair-DFA, Dept of Justice (DOJ), Dept of National Defence-DND, AFP-PNP, DILG at Office of the President ang iginawad na suporta kay “Garci” bilang balik tangkilik at bayad utang sa mga nagawa nito. Kulang na lamang na idiklarang BAYANI at ipagpatayo ng monumento si Garci.

Ayon kay Pitchay at Nograles, mga TRAPONG goons at wrecking crew ng palasyo, “walang dudang mananalo” si Garci sa 2007 election. Korek kayo diyan! Tama ang dalawang MATON ng Tongreso ng sabihin nitong hindi impusibleng manalo si Garci sa May 2007 election;

Una; Sa Philippine election, hindi mahalaga ang reputasyon, credibility at karangalan, hindi rikisito ang moralidad at pagpapakumbaba. Tulad na lamang sa kaso ni Rep Jalosjos, maliban sa TRAPO, naakusahan convicted na rapist at naibilanggo ng habangbuhay sa Muntinglupa ay nananalo pa sa kanyang distrito sa Misamis Occ sa Mindanao.

Pangalawa; Maliban sa padri-padrino, Kasal, Binyad Libing (KBL) ang sistemang umiial sa election sa Pilipinas at ito ang sistemang nagbigay daan at naggagarantiya kung bakit nananalo si Jalosjos at ang ibang buguk na TRAPO.

Pangatlo; May malalang krisis ng repesentasyon sa bansa. Batid ng populasyon na PEKEng election at demokrasya ang umiiral sa Pilipinas. Makailang ulit naming sinasabing “dahil sa sistemang KBL, ang mga representanteng nae-elect ay kailan ma'y hindi naging tunay na kinatawan, walang constituency at walang dapat ipagmalaki. Ang totoo, dahil sa kagipitan, kahirapan, karalitaan at kapit sa patalim, "nauubliga, pinili't ibinoboto ng mamamayan ang mga TRAPO.”

Pang-apat; fiesta, pinagkakakitaan, zarzuela, pasikatan at divisive ang election. Kompetisyon lamang ng mga faction o grupo ng mga elitista't TRAPO, walang kalatuy-latuy at walang kasusta-sustansya ang election sa Pilipinas. Kaya't haggang hindi naipagtatagumpayanan ang panawagang pagbabago, ang REPORMA sa ELECTION at PULITIKA, mananatiling bangungut ang demokrasya at walang tunay na representasyon mangyayari sa Pilipinas.

Ang pagiging kinatawan ng mga kawatan, pandarambong, manipulador, pandaraya't mamamatay tao ang tunay na nirerepresenta ng mga pulitiko. Kinatawan sila ng apat (4) na "G", guns, gold, goons at girls, KINATAWAN sila ng mga supplier, kontratista, malalaking negosyo't corporation, mga campaign fund donor, mga NINONG at NINANG sa Malakanyang at operador. Sila ang tunay na pinaglilingkuran ng mga pulitiko (pinagkakautangan ng loob) hindi ang mamamayan na bumoto sa kanila.

Hindi maitatanggi ng mga pulitiko kung saan nagmula't nanggaling ang mga campaign funds na ginagastos ng mga ito sa tuwing may election. Ito'y mula sa mga drug lords, weteng lords, prostitution lords, smuggling lords at sa pork barrel dulut ng mga proyektong “pangbayan o public works.” Ayon sa mga "kilalang operador" ng electoral politics, nobenta't porsiento (90%) ng winning factor sa isang election ay kung maisasagawa nito ang isang matibay, matatag paldo-paldong lohistika't pampulitikang makinarya ng isang kandidato.

Sa puntong ito, dito ko naman hinahangaan si Nograles, Pichay, Sec Ermita at si Ate Glo sa kanilang forecast na wala ngang katalo-talo ang TRAPO at si Garci sa 2007 election.

Sino ang nagsasabing mga tunay na representante sila (pulitiko) ng PIPOL, mga HINDUT!!. Magkaiba ang Pulitiko at ang Pipol, itinuturing predator, dimonyo't halimaw ang mga pulitiko, samantalang biktima't nilalapa nito ang PIPOL. Sa totoo lang, sila ang nagsadlak sa labis na karalitaan ng mamamayang Pilipino, inagawan nito ng gatas na makakain ang iyak ng iyak na sanggol, sila ang recruiter at nagtulak kung bakit lumaganap ang prostitution, sila ang dahilan kung bakit nawarak at nagkawatak-watak ang pamilyang Pilipino, sila ang dahilan kung bakit lumaki ang kriminalidad sa bansa, kawalan ng hanapbuhay at edukasyon ng ating mga kabataan at disenteng tirahan.

Hindi lamang ang probinsya ng Bukidnon ang magiging kawawa kung sakaling manalo si Garci at tatakan ito bilang isang “honorable, distinguisehed coleague fron 1st district of Bukidnon.” Ang buong Pilipinas sa katauhan ng mahigit 190 pekeng kinatawan sa kongreso ay kinakatawan ng mga trapong hindi naiiba't katulad din ni Garci.

Try to imagine ang Quezon City, ang lugar kung saan maaring sabihing sentro ng intelektualismo, sentro ng aktibismo't civil society ng bansa at sentro na may malaking konsentrasyon at pulutong ng middle class, nakakalungkot sabihing kung bakit mga TRAPO ang apat (4 – Crisologo, Annie Susano, Defensor at Nannete Daza) na kinatawan nito sa Kongreso.

Maaring sabihing may malaking KAHINAAN, pagkukulang ang NGO community, ang civil society, lalo na ang KALIWA sa trahedya, kung bakit hinayaang makalusut ang apat na TRAPO sa QC? Kung sa sariling bakuran ay hindi makapaglukluk ang KUMUNIDAD ng mga aktibistang kinatawan, how much more sa mga liblib na lugar ng Mindanao, Visayas at Northern Luzon!

Sa kabila ng pagkaka-abswelto ng Dept of Justice (DOJ) sa ilalim ng pamumuno ng siRaulong si Gonzales, (hindi na balita't inaasahan) manalo't mailukluk si Garci sa Tongeso, sa mata ng mundo, walang legitimate closure sa krimeng ginawa nito nuong 2004 presidential election; ang pagnanakaw, pananalaula ng Constitution, pagyurak ng halalan nuong 2004 presidential election at pagiging ilihitimo ni Ate Glo.

Aasahang gagaguhin, tatarantaduhin ng Malakanyang ang May 2007 election, mailigtas at manatili lamang sa kapangyarihan si Ate Glo hanggang 2010. Kung sa bagay, kailan ba nagkaroon ng matino at malinis na election sa Pilipinas? Abangan na lang natin si Garci at mga TRAPO sa Tongreso.....

Doy Cinco / IPD
Dec 30, 2007