“6.9% economoc growth rate,” tulad ng “command votes,” isang kabastusan

Matapos ireject ng mamamayan ang Team Unity-senatoriable bets ng Malakanyang sa katatapos na May Midterm election, isang election kung saan itinuturing na pinakamagastos, pinakamadugo, pinakamadaya at pinakabuluk sa kasaysayan ng electoral politics, may tanga't gago pa kayang Pinoy ang maniniwala sa propagandista ng Malakanyang na umunlad ng 6.9% ang gross domestic product (GDP) ng bansa?

Upang maminimized ang kahihiyan, umiiwas at panay ang biyahe sa abroad, itinaon ni Ate Glo ang anunsyo para palabasing seryoso ito sa gawaing paggugubyerno. Gusto ring palabasing sa madla na wala itong kinalaman sa electoral campaign, sa pamumulitika at pagiging over-all campaign manager sa partidong Team Unity, Lakas at Kampi. Kaya lang, sa dinami-dami ng numero, kabastusan pa rin ang napiling numero, ang 69.

Ito na raw ang pinakamataas na pag-unlad na nairehistro sa loob ng mahigit 17 taong (since 1987). Ibig sabihin, mas nahigitan pa ni Ate Glo ang naunang tatlong presidente, si Tita Cory (1986-'92), si Tabako-FVR (1992-'98) at ni Presidente Erap Estrada (1998-2000).

Walang dudang nakatuon sa kanyang mga kalaban ang anunsyong umunlad ang ekonomya at parang may dagdag na pangutya at pangkabig na tigilan na ang atakeng pulitikal, tigilan na ang bangayan (impeachment), kalimutan na ang nakaraan, mag let's move on at magkaisa na ang lahat.

Ayon sa economic data ng Socioeconomic Planning Secretary Romulo Neri, 9.1% ang inilaki ng Service sector, 5.3% sa Industria at 4.2% sa agrikultura. Nakatulong din ang “mababang interest rate at paglakas ng Piso kumpara sa dolyar.” Ayon sa mga propagandista ni Ate Glo, ang mga palatandaang ito ang magbigay sigla't buhay sa magandang klimang pagnenegosyo sa Pilipinas partikular sa sektor ng industria.”

Kung totoong gumaganda ang ekonomya, irecall na agad ang E-VAT, dapat ibaba ang presyo ng langis at bilihin, kuryente’t tubig, hanapan ng trabaho ang mahigit apat na libong (4,000) “super KATULONG- caregivers, OFW na lumalayas araw-araw sa bansa. Kung totoong gumaganda ang ekonomiya, gawin abot-kaya, de-kalidad ang edukasyon, pabahay at kalidad ng pamumuhay (quality of life) sa kabuuan. Kung totoong gumaganda ang ekonomya, hindi na tatanggapin, tatanggihan na ng mga 'Pinoy ang panunuhol ng mga pulitiko (vote buying-utang na loob) sa halalan.

Ang hindi malinaw at hindi sinasabi ni Ate Glo, hindi maisusustina ang naturang pag-unlad. Kung anuman ang kadahilanang binabanggit ng mga propagandista ng Malakanyang, tulad ng pagsigla ng dayong mahuhunan at stockmarket, paglakas ng Piso ay; wala itong epekto sa mamamayan Pilipino, pangalawa; walang dudang kulelat pa rin tayo sa mga bansa sa Asia, sapagkat ilang taon na silang bumubulusok sa pag-unlad ng kabuhayan, pangatlo; sabihin na nating totoo ang 6.9%, ang malaking katanungan, mag-trickle down kaya ito, marandaman kaya ito ni Pang Pandoy, ng mayorya at ordinaryong Pilipino, maralitang lunsod at kanayunan?

Tulad ng command votes at local machinery ng administrasyon, ang 6.9% ay isa lamang kabastusan, artificial, isang PEKENG pag-unlad at walang dudang maagang magko-collapse.

Sanhi ng mga sumusunod ang nasabing pag-unlad; Una, Walang kaduda- dudang nagrehistro sa unang buwang ng taong kasalukuyan ang sobrang pamimili at gastos ng mamamayan noong huling Christman at New Years celebration. Pangalawa, nakatulong ang mahigit sampung bilyong pisong (P10.0 bilyon) gastos na panigurong nag-trickle down sa baba. Ang pre-campaign/campaign activities ng mga pulitiko para sa (nasyunal at lokal) May midterm election, tulad ng awareness campaign-TV spot political Ad at maagang pakimkim sa mga operador noong bagong taon, ang paghahanda sa makinarya at pangatlo, ayon sa economic forecast ng Asian Devt Bank (ADB), dulot ng maraming salik politikal,walang dudang babalik sa 5.0% economic growth ang Pilipinas sa huling quarto ng taon.

Pang-apat, malaking bagay rin ang 13% growth rate sa government spending, ito may sa anyo ng pump priming o ang mga imfrastructure projects na pilit na inihabol bago ang May midterm election bilang bahagi ng pa-pogi points ng administrasyon candidates laban sa oposisyon. Isa rin ang bilyong dolyar na pumasok na puhunang kapital. Panglima, nakatulong ang remittances ng OFW na umabot sa mahigit $12.0 bilyon. Nakadagdag din ang pag-unlad ng service sector, ang tele-communication industry (cell/telephone), advertising (initial propaganda camaign) at stockmarket.

Batay sa karanasan ng China at ibang karatig bansa sa Asia, mga 10 - 12% growth rate taon-taon o at least sa anim hanggang sampung taon (6-10 years consecutive) consistent na pag-unlad ang kailangan ng Pilipinas upang sabihin umunlad na nga si Mang Pandoy sa kasaganahan.

Hindi pa nakakabangon ang bansa sa mahigit ilang dekadang tinatamasa nitong krisis pang-ekonomya. Bagsak ang industria at sektor ng manipaktura. Napaka-premature pa upang sabihing umuunlad na ang ekonomya ng Pilipinas. Ang isang mahalagang sangkap ng pag-unlad ng ekonomiya ay ang pagpapalalim ng demokrasya, ang kagyat na pagsasarepormng pulitika at halalan, ang pagbubuwag ng private armies at political clan. Habang hindi nareresolba ang isyu ng legitimacy (Ate Glo), ang "hello garci-dagdag bawas controversy," habang nakaupo ang mga pekeng kinatawan, pekeng representante sa Kongreso walang aasahang kaunlaran ang bansa.

Batay sa Economic and Social Commission for Asia and the Pacific (ESCAP), isang Bangkok-based UN agency, "ang pagbulwak, paglaki ng karalitaan at unemployment rate sa kabila ng sinasabing pag-unlad ng ekonomiya ay isang gabundok na suliraning kakaharapin ng Pilipinas.

Mismo ang United Nation Development Program (UNDP) ay nagbabala na 'wag na wag kaagad maniniguro, maniniwalang gaganda ang ekonomiya ng ating bansa dahil lamang sa 'gumagandang ekonomiya. Ayon sa kanila, habang sinasabing may pag-angat ng 6.9% growth rate ganuon din kabilis, ganun din ang paglago, ang pagdami ang nawawalan ng trabaho (unemployment rate) at bilis ng mga nagugutom na Pilipino.

Ayon mismo sa UNDP, “outdated na, buluk na at hindi (tri-tricle down effect) na makasasapat bilang panukat ng kaunlaran ang Gross Domestic Product (GNP) at gross national product (GDP)." Dagdag pa, bukud sa INDUSTRIALIZATION policy, ang siguradong magpapagulong sa ekonomya ng isang bansa ay ang isang matibay, may BUTO SA GULUGUD na PATAKARAN maka-Pilipino, democratization at pagpapalakas ng INSTITUTION, lalo na ang democratic at political institution ng bansa.


Doy Cinco / IPD
June 2, 2007