Ate Glo, NoKor NUKE testing ito hindi Nursing Testing !!!

Buong yabang na kinondena kahapon ni Ate Glo ang nuclear test na isinagawa ng North Korea. Ayon sa kanya, "isa raw itong banta sa estadong pulitikal, seguridad at pang-ekonomiya ng buong Northeast Asia. Idinagdag pa n'ya na 'wag maging pasaway ang NoKOR, itigil ang nuclear testing at tumalima sa umiiral na Non-Proliferation Treaty."

Malabong pakinggan si Ate Glo ng bansang North Korea! Kung papatulan, marahil ito ang posibleng response ng NoKOR, “sino ka, isa ka lang “super katulong” at burikak ni Uncle Sam noh! "Kung si Bush nga hinahamon namin ng away, ang Hapon, So. Korea dinededma, ang mayayamang Kanluraning bansa sa Europa hindi namin ginalang," 'kaw pa na may kaparehong binabagabag na pang-loob na suliraning seguridad mula sa CPP-NPA, ang comrade nitong insurektos sa South-East Asia!

Kaya Ate Glo, tumamimi ka muna, "wag kang magpasikat kay Uncle Sam na concerned ka sa seguridad ng REHIYON, 'wag kang padalos-dalos at tatanga-TANGA, NoKor Nuke testing ito, hindi ito Nursing testing! Yung panloob na suliranin (political survival) ang una mong asikasuhin!!

Si Pres Bush at pamunuang SAKANG (Japs) ang dapat sisihin kung bakit nag-armas nuklear ang bansang NoKOR, kung bakit "nagsisilbing banta ng istabilidad sa Silangang Asia ang NoKor." Kung matatandaan, may limang taon ng nakalipas nang bansagan ni BUSH ang NoKOR, Iraq at Iran bilang mga “AXIS of EVIL” ng mundo.

Dahil nga mga “demonyo” ang turing, nakaisip ng (istupidong) dahilan ang US upang LOOBAN at sakupin ang Iraq, may itinatago raw itong “weapon for mass destruction-nukes” (WMD), may ugnayan raw si Saddam Husein sa grupong Al Qaeda at higit sa lahat, mga “diktador, reppresive raw ang mga gubyernong ito!” Kaya lang, ang nagdudumilat na katotohanan, PAGNANAKAW lang pala ng LANGIS ang tunay na pinakay ni Bush sa labanan.

Dahil sa panloloob sa Iraq, naalarma ang Iran at NoKOR dahil sa tantya nila, next na silang uupakan ni Bush. Ano tuloy ang naging epekto ng bantang pananalakay ng US sa Iran at NoKOR, nag-armas nuclear ang dalawa! Sino ngayon ang dapat sisihin dito? Si BUSH, ang kaututang dila ni Ate Glo! Siya ang fertilizer at kanal na pinanggagalingan ng lamok ng terorismo at pag-aarmas nuklear ng mga bansang ang balak lamang ay protektahan at idepensa ang sariling soberanya mula sa mga KAWATAN.

Ang problema, iba ang Iraq at NoKOR. Sa NoKOR, walang ganansya't manankaw ang US, naghahanap na lamang ng damay ang NoKOR at handa itong makipagpatayan. Kung totoo ngang naghahanap si Bush, si Rice ng WMD at pangangtawanan nito ang pagiging pulis ng mundo, eto ang NoKOR.

Bakit hindi magalaw-galaw tulad ng pagtrato sa Iraq at Afghanistan ang NoKOR? Hayagang inamin ng may Nukes sila, may malinaw na ebidensya, may 2 taong ng nag-missile testing malapit sa Karagatang Hapon at kamakalawa, nagsubok ng magpasabog ng bombang NUCLEAR, ang tanong ule, bakit hindi makaporma si Uncle SAM?

Wala tayong kinakampihan dito, pare-pareho lamang silang mga dorobo, magugulang at napapraning!
Para kay Ate Glo, may dalawang paraan ang pinakamabuting gawin; Una, ang tumahimik na lang muna, baka mapikon ang NoKOR at biglang suportahan, bigyan ng armas ang NPA, lalong nalintikan ang Malakanyang. Kung sa bagay, matagal ng "nag-aassist" ang NoKOR sa CPP-NPA.

Pangalawa, ang China at Rusya ang daan, ang dapat kausapin, kumbinsihing upang manduhan ang NoKOR na tumalima sa “Non-Proliferation Treaty,” isang kasunduan napagkaisahan sa United Nation, sapagkat ang dalawang makapangyarihang bansang ito ang siyang pinapakinggan, iginagalang at masugit na kaalyado ng bansang NoKor.


Doy Cinco / IPD
Oct 10, 2006